"A Belum"

"A Belum

I fa più in do che in un"

I dise dei belunesi

Anca se questi no iè mia offesi

L'è un detto della Val

Che come certi no l'è che i val

Come "Quando il Baldo El ga el capel

O che fa bruto o che fa bel"

Mi, più volte ghe penso

Ma ste strofe iè senza senso

Vera l' è quando invese i dise dal Comun de Brentin

"Belum l'è strano, el varda prima al Trentin!"

Paese de confine fino al 1918 (milenovesentodisdotto)

Da la so parte ghè Mama de Soto

Endo passa el Confin con Mama de Sora

Che, pori cani, no se capiva ci dei du fosse fora

Per la rivalità con Avi iera famosi

Anca perché durante le partìe se creava morosi

En realtà la roba mejo l' era il campo da balon

Il Grande Belluno l' era l'unico ad averghelo, lu sol

Approfittando de esser l'unico paese serà dal Canal

El s'è fato del so isolamento un fatto da ammirar

Aristocratico e solitario, pien de teste dure

Un po' rancoroso ma co le gemme del cor pure

Primo paese d'Italia na olta

No l'è che dopo 150 ani emo mandà zo sta svolta

Specie quando i ne ciama 'taianei'

Mia massa tempo fa i tirava fora i cortei!

L'è un borgo come quei de tempo andato

El so mi e ci ghè nato

Brontoloni e mezi trentini nel parlar

Ma in fondo orgogliosi del so far

Vigne e boschi e sentieri

Posti misteriosi che no conosse i forestieri

Che per Belum vol dir gente de là de la scavessaia

Ma lo savì anca voialtri: Quei de Belum iè na simpatica maraja

Sero sto panegirico con spiegassioni

Perché qua se tiremo dosso brute emossioni

Belum l'è fiero de star in Valdadese, nel Veronese

Ma nol l'è mostra perché el vol apparir co le pretese

Ma nissuni passarà mai al Trentin

Massa anni a farghe la guardia al confin

Semo bei endove i n'ha messi la Storia

Per noi esser de Belum l'è za una vitoria

Niente dichiarazioni de indipendenza

Ma sol che ghe vol un poco de pazienza

Perché se sa che a Belum i fa più in do che un

Anca se devo ancora catar sto altro qualcun